अखबार नेपाल ट्रेन्डिङ

काठमाडौं: नेपाल मैत्रीपूर्ण फुटबलमा म्यानमारसँग गोलरहित बराबरीमा रोकिएको छ । खेलको ५८औं मिनेटमा अन्जन विस्टले पेनाल्टी पाएको अवसरको सदुपयोग गर्न नसक्दा नेपालले म्यानमारसँग गोलरहित बराबरी रोकिएको हो ।

यंगोन अन्तर्राष्ट्रिय रंगशालामा भएको खेलमा अन्जनको पेनाल्टी म्यानमारका गोलरक्षकले रोकेपछि नेपाल जितबाट चुकेको हो । दुवै टिमले त्यस बाहेकका अवसरहरुको सदुपयोग गर्न सकेनन् । खेलको दोस्रो हाफमा भने नेपालले त्यही पेनाल्टी अवसर बाहेक अरु उल्लेखनीय अवसर सृजना गर्न सकेन । ८७औं मिनेटमा आशिष चौधरीले बक्स बाहिरबाट गरेको प्रहार नै नेपालको सबैभन्दा राम्रो अवसर रह्यो ।

म्यानमारका खेलको अन्तिमतिर राम्रो अवसर पाएको थियो । नेपालका प्रशिक्षक अनेसेले यस खेलमा जिल्लेस्पी जीलेस्पी जंग कार्कीलाई पहिलो रोजाइमा राखेर अन्तर्राष्ट्रिय खेलको मौका दिएका थिए । अर्का फरवार्ड हिसुब थपलियाले पनि ८३औं मिनेटमा अञ्जन विस्टको स्थान लिँदै नेपालका लागि डेब्यु गरेका थिए । अनेसेले फरवार्ड आशिष चौधरी लाई लेफ्ट-ब्याकको भूमिकामा उतारेका समेत थिए । यो दुई टोली बीच अर्को मैत्रीपूर्ण खेल यसै रंगशालामा सेप्टेम्बर ११ मा हुनेछ ।