अखबार नेपाल ट्रेन्डिङ

काठमाडौं: भारतको बैंगलोरमा जारी साफ च्याम्पियनसिपको सेमिफाइनलको समिकरण पूरा भएको छ । कान्तिरभा फुटबल मैदानमा बुधबार भएको खेलमा भुटानलाई ३–१ ले हराउँदै बंगलादेश समूह बीको उपविजेताका रुपमा सेमिफाइनल पुगेको हो ।

सन् २००९ पछि बंगलादेश पहिलो पटक साफ च्याम्पियनसिपको अन्तिम चारमा पुग्न सफल भएको हो । त्यसअघि भएको खेलमा लेवननले माल्दिभ्सलाई १–० ले हराउँदै समूह बीको विजेता बनेको थियो । अब सेमिफाइनलमा लेवनानले भारतसँग र बंगलादेशले कुवेतको सामना गर्नेछ ।

भुटान यसअघि नै प्रतियोगितबाट बाहिरिसकेको थियो भने लेवननसँगको हारपछि माल्दिभ्स पनि बाहिरिएको छ । समूह चरणमा लेवनानको ९ अंक, बंगलादेशको ६ अंक रह्यो । बाहिरिएको माल्दिभ्सको ३ अंक र भुटान अंक विहिन रह्यो ।

अब शनिबार हुने पहिलो सेमिफाइनल कुवेत र बंगलादेश तथा दोस्रो सेमिफाइनल भारत र लेवनानबीच हुनेछ । समूह एबाट नेपाल र पाकिस्तान समूह चरणबाटै बाहिरिएका थिए ।