अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलको ११औं चरण अन्तर्गत आज चार  खेलहरु हुँदैछन् । जसमा दुई खेल त्रिपुरेश्वरस्थित दशरथ रंगशालामा हुनेछ । त्यस्तै एक खेल च्यासल र एक खेल एन्फा कम्प्लेक्समा हुनेछ ।

दशरथ रंगशालामा हुने पहिलो खेलमा न्युरोड टिम एनआरटी र हिमालयन शेर्पा क्लबबीच प्रतिस्पर्धा हुनेछ । यी दुईबीचको खेल दिउँसो ३ बजे सुरु हुनेछ ।

एनआरटी आठौं जित निकाल्ने योजनामा छ । एनआरटी २३ खेलमा २९ अंक जोडेर १०औं स्थानमा छ । हिमालयन पनि आठौं जित निकाल्ने योजनामा छ । हिमालयन २३ खेलमा ३० अंक जोडेर आठौं स्थानमा छ ।

रंगशालामा हुने दोस्रो खेलमा फ्रेन्ड्स क्लब र मनाङ मर्स्याङ्दी क्लबबीच प्रतिस्पर्धा हुनेछ । यी दुईबीचको खेल साँझ ६ बजे हुनेछ । फ्रेन्ड्स सातौं जित निकाल्ने योजनामा छ । फ्रेन्ड्स २३ खेलमा २५ अंक जोडेर १३औं स्थानमा छ । मनाङ आठौं जितको खोजीमा हुनेछ । मनाङ २३ खेलमा ३१ अंक जोडेर छैटौं स्थानमा छ ।

यस्तै च्यासलमा नेपाल पुलिस क्लब र मछिन्द्र क्लबबीच प्रतिस्पर्धा हुनेछ । यी दुईबीचको खेल दिउँसो ३ बजे हुनेछ । पुलिस ११औं जितको योजनामा हुनेछ । पुलिस २३ खेलमा ३४ अंक जोडेर चौंथो स्थानमा छ । मछिन्द्र पनि ११ औं जितको खोजीमा हुनेछ । मछिन्द्र २३ खेलमा ३९ अंक जोडेर दोस्रो स्थानमा छ ।

एन्फा कम्प्लेक्समा एफसी खुमलटार र संकटा क्लबबीच खेल हुनेछ । यी दुईबीचको खेल दिउँसो ३ बजे हुनेछ । खुमलटार आठौं जित निकाल्न चाहन्छ । खुमलटार २३ खेलमा २४ अंक जोडेर पुछारमा छ । संकटा सातौं जित निकाल्ने योजनामा छ । संकटा २३ खेलमा २७ अंक जोडेर १२ औं स्थानमा छ ।