अखबार नेपाल ट्रेन्डिङ

काठमाडौं: नेपालले पाँचौ महिला टी-ट्वान्टी अन्तर्राष्ट्रिय खेल अन्तर्गत आज मलेसियासँग निर्णायक खेल खेल्दैछ । खेल मलेसियाको वाइएसडी यूकेएम ओभलमा हुनेछ ।

पाँच खेलको टी-ट्वान्टी अन्तर्राष्ट्रिय सिरिज २-२ को बराबरीमा छ । यस खेलमा जित हात पारेर नेपाल सिरिज जित्ने सोचमा छ । मलेसिया पनि सोहि लक्ष्यका साथ मैदान उत्रने छ ।

यो खेलमा जित हात पार्ने टोली नै पाँच खेलको महिला टी-ट्वान्टी सिरिजको विजेता हुने भएकोले खेल रोमान्चक हुनेछ ।

पहिलो खेलमा ५ विकेटले पराजित नेपालले दोस्रो खेलमा ७ विकेटको जित दर्ता गरेको थियो । तेस्रो खेलमा नेपालले २७ रनको जित दर्ता गर्दा चौथो खेल मलेसियाले ६ विकेटले जितेको थियो ।