अखबार नेपाल ट्रेन्डिङ

काठमाडौं: आजदेखि सुरु भएको एसीसी मेन्स प्रिमियर कप क्रिकेट प्रतियोगितामा पहिलो खेलमा नेपाल र मलेसिया भिडिरहेका छन् । टस जितेर मलेसियाले ब्याटिङ गरिरहेको छ ।

त्रिवि क्रिकेट मैदान कीर्तिपुरमा भएको खेलमा नेपालले फिल्डिङको निम्तो पाएको छ ।  नेपालले आजको खेलमा ज्ञानेन्द्र मल्ल, करन केसी र प्रतिश जिसीलाई बाहिर राखेको छ ।

खेलको समुह ‘ए’मा नेपाल, ओमान, कतार, मलेसिया र साउदी अरेबिया रहेका छन भने समूह ‘बी’ मा युएई, हङकङ, कुवेत, सिंगापुर र बहराइन रहेका छन ।

पहिलो खेल मलेसियासँग खेल्ने नेपालले दोस्रो खेल भने ओमानसँग वैशाख ८ गते खेल्नेछ । मुलपानी मैदानमा साउदी अरेबियासँग तेस्रो खेल वैशाख ११ गते खेल्ने नेपाल अन्तिम खेल वैशाख १४ गते कतारसँग भिडनेछ ।

प्रतियोगिता वैशाख ५ देखि वैशाख १८ सम्म कीर्तिपुरस्थित त्रिवि मैदान र मुलपानी मैदानमा हुनेछ । पहिलो पटक मुलपानीस्थित खेल मैदानमा पनि प्रतियोगिता हुनेछ ।

सेमिफाइनलको खेल वैशाख १६ र फाइनल वैशाख १८ गते हुनेछ । प्रतियोगिताको विजेता टिम आगामी सेप्टेम्बरमा हुने एसिया कपका लागि छनोट हुनेछ ।