अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत आज तीन खेलहरु हुँदैछन् ।

लिगको ११औं चरण अन्तर्गत आज दशरथ रंगशाला दुई र एन्फा कम्प्लेक्समा एक खेल हुनेछ ।

त्रिपुरेश्वरस्थित दशरथ रंगशालामा हुने पहिलो खेलमा मछिन्द्र फुटबल क्लब र सातदोबाटो युथ क्लबबीच प्रतिस्पर्धा हुनेछ यी दुईबीचको खेल दिउँसो १ बजे सुरु हुनेछ ।

शीर्ष स्थानको मछिन्द्रले १० खेलमा २६ अंक जोडेको छ ।

सातदोबाटो १५ अंक जोडेर छैटौं स्थानमा रहेको छ ।

आज सातदोबाटोलाई हराएर मछिन्द्रले उपाधि उचाल्न चाहन्छ ।

यसैबीच एन्फा कम्प्लेक्समा त्रिभुवन आर्मी क्लब र हिमालयन शेर्पाबीच प्रतिस्पर्धा हुनेछ यी दुईबीचको खेल दिउँसो १ बजे सुरु हुनेछ ।

आर्मी १८ अंक जोडेर लिगको तेस्रो स्थानमा रहेको छ भने हिमालयन १२ अंक जोडेर आठौं स्थानमा रहेको छ ।

यस्तै रंगशालामा हुने दोस्रो खेलमा नेपाल पुलिस क्लब र थ्री स्टार क्लबबीच प्रतिस्पर्धा हुनेछ यी दुईबीचको खेल ४:४५ बजे सुरु हुनेछ ।

पुलिस १० अंक जोडेर दशौँ स्थानमा छ भने थ्री स्टार १७ अंक जोडेर चौंथो स्थानमा छ ।