अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत आज त्रिपुरेश्वरस्थित दशरथ रंगशालामा ११ औं चरणको खेलहरु सुरु हुँदैछ ।

दशरथ रंगशाला र एन्फा कम्प्लेक्समा लिगको ११औं चरण अन्तर्गत एकै समयमा दुई खेलहरु हुनेछन् ।

रंगशालामा हुने खेलमा ब्रिगेड ब्वाइज र च्यासल युथ क्लबबीच प्रतिस्पर्धा हुनेछ भने यी दुईबीचको खेल दिउँसो १ बजे सुरु हुनेछ ।

रेलिगेसनबाट जोगिन यी दुबै टोलीका लागि यस खेल महत्वपूर्ण रहेको छ ।

ब्रिगेड १० खेलमा ६ अंक जोडेर १३ औं स्थानमा रहेको छ भने ५ अंक जोडेर च्यासल पुछारमा रहेको छ ।

सातदोबाटोस्थित एन्फा कम्प्लेक्समा हुने खेलमा जावलाखेल युथ क्लब र फ्रेन्ड्स क्लबबीच प्रतिस्पर्धा हुनेछ यी दुईबीचको खेल दिउँसो १ बजे सुरु हुनेछ ।

जावलाखेल ९ अंक जोडेर ११ औं स्थानमा रहेको छ भने फ्रेन्ड्स ६ अंक जोडेर १२ औं स्थानमा रहेको छ ।