अखबार नेपाल ट्रेन्डिङ

काठमाडौं: काठमाडौंमा जारी प्रधानमन्त्रीकप एकदिवसीय क्रिकेट प्रतियोगिता अन्तर्गत आजदेखि सेमिफाईनल चरणका खेलहरु हुँदैछन् । राष्ट्रिय खेलकुद परिषदको आयोजनामा काठमाण्डौमा जारी प्रतियोगिता अन्तर्गत आजदेखि शुरु हुने पहिलो सेमिफाईनलमा समूह एको बिजेता प्रदेश-३ ले समूह बीको उपविजेता नेपाल आर्मीको सामना गर्नेछ ।

समूह ए मा विभागिय टोलि सशस्त्र प्रहरी बलको एपीएफसँग समान ६ अंक भएपनि रनरेटको आधारमा प्रदेश-३ विजेता बन्दै सेमिफाइनलमा प्रवेश गरेको हो । प्रदेश-३ राष्ट्रिय टोलीका कप्तान पारस खड्काको नेतृत्वमा प्रतियोगिता खेलिरहेको छ । त्यसैगरी विभागीय टोली एपीएफ अंकको आधारमा नेपाल पुलिस क्लब भन्दा तल रहेर समूह उपविजेता बन्दै अन्त्मि चारसम्मको यात्रा तय गरेको हो ।

यसअघि भएका दुई संस्करणमध्ये पहिलोमा पुलिससँग संयुक्तरुपमा आर्मीले उपाधि जितेको थियो भने गतवर्षको दोश्रो संस्करणको फाईनलमा एपीएफसँग पराजित हुन पुगेको थियो । यस्तै भोली हुने दोश्रो सेमिफाईनलमा समूह बि को विजेता नेपाल पुलिसले समूह ए को उपविजेता एपीएफको सामना गर्नेछ ।