पुलिस र च्यासलबीचको स्थगित ‘ए’ डिभिजन लिग शनिबार हुने
वि.सं.२०७८ माघ १७ सोमवार १६:५३
काठमाडौं: शहीद स्मारक ‘ए’ डिभिजन लिग अन्तर्गत विभागीय टोली नेपाल पुलिस क्लब र च्यासल युथ क्लबबीच स्थगित भएको खेल शनिबार हुने भएको छ ।
खेलाडीहरुमा कोरोना संक्रमण देखिएका कारण स्थगित भएको नवौं चरणको पुलिस र च्यासलबीचको खेल माघ २२ गते शनिबार हुने १ बजे हुने एन्फाले जानकारी गराएको छ ।
यस खेलपछि लिगमा नवौं चरणका खेलहरु सकिनेछन् ।
हाल लिग तालिकामा पुलिस ८ खेलबाट ७ अंक जोडेर ११ औं स्थानमा छ ।
८ खेलबाट ५ अंक जोडेको च्यासल १३औं स्थानमा रहँदै रेलिगेसन जोनमा छ ।
पुलिस र च्यासल दुवैले यस सिजन अपेक्षा अनुसार प्रदर्शन गर्न सकेको छैन ।
अहिलेसम्म अपराजित साविक विजेता मछिन्द्र ९ खेलबाट २३ अंक जोडेर शीर्ष स्थानमा छ भने मनाङ १९ अंकसहित दोस्रो स्थानमा छ ।
अर्को अपराजित आर्मी आर्मी १७ अंकसहित तेस्रो स्थानमा छ ।
एन्फाले माघको अन्तिमबाट दशौं चरणका खेलहरु शुरु गर्ने तयारी गरेको छ ।
वि.सं.२०७८ माघ १७ सोमवार १६:५३