अखबार नेपाल ट्रेन्डिङ

काठमाडौं: आइतबार एक सय पाँच अङ्कले बढेको सेयर बजार नेप्से परिसूचक आज भने दोहोरो अंकले घटेको छ ।

नेप्से आज १४.४८ अङ्कले घटेर २ हजार ८ सय ७१ दशमलव शून्य पाँच विन्दुमा झरेको छ । आज माइक्रोफाइनान्स, अन्य र लगानी बाहेक सबै समूहको सेयर घटेको छ ।

बीमा, उत्पादन र विकास बैंकको सेयर उच्च अङ्कले ओरालो लागेको छ ।

आज २ सय २५ वटा कम्पनीको एक करोड एक लाख कित्ता सेयर पाँच अर्ब १५ करोड ४१ लाख रुपैयाँमा कारोबार भएको छ ।

सबैभन्दा धेरै एचआइडिसिएलको ५७ करोड रुपैयाँको सेयर किनबेच भएको छ ।

आज माउन्टेन हाइड्रो नेपाल र सिभिल लघुवित्त कम्पनीको सेयर झन्डै साढे तीन प्रतिशतले घटेको छ ।

समग्र बजार घटेपनि फरवार्ड माइक्रोफाइनान्स, विन नेपाल माइक्रोफाइनान्स र बुद्धभूमि हाइड्रोको सेयर भने १० प्रतिशतले बढेर सर्किट लागेको छ ।