अखबार नेपाल ट्रेन्डिङ

काठमाडौं: प्रधानमन्त्री कप टी–ट्वान्टी क्रिकेट प्रतियोगिताको फाइनलमा आज उपाधिका लागि एपीएफ क्लब र नेपाल पुलिस क्लबबीच प्रतिष्पर्धा हुँदैछ ।

टियु क्रिकेट मैदानमा हुने फाइनलमा दुई विभागीय टोली एपीएफ र पुलिसबीचको फाइनल खेल बिहान १० बजे सुरु हुनेछ ।

प्रतियोगिताको विजेताले पाँच लाख र उप-विजेताले तीन लाख रुपैयाँ प्राप्त गर्नेछन् ।

एपीएफ र पुलिस दुबै टिम उपाधि जित्ने योजनासहित मैदान उत्रने छन् ।

त्यसैले फाइनल खेल रोमाञ्चक हुने अनुमान गरिएको छ ।

एपीएफले दोस्रो सेमिफाइनलमा त्रिभुवन आर्मी क्लबलाई हराएर पुलिससँगको भेट पक्का गरेको हो ।

एपीएफले साविक विजेता समेत रहेको आर्मीलाई ४७ रनले हराएको हो ।

पुलिसले भने पहिलो सेमिफाइनलमा बागमती प्रदेशलाई हराएको थियो ।

फाइनल पुग्ने क्रममा पुलिसले बागमतीलाई ५० रनले पराजित गरेको हो ।

प्रतियोगितामा १० टोलीको सहभागिता रहेको थियो ।