अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा फ्रेन्ड्स क्लबलाई ३-१ गोल अन्तरले हराउँदै त्रिभुवन आर्मी क्लबले सहज जित निकालेको छ ।

त्रिपुरेश्वरस्थित दशरथ रंगशालामा आज भएको खेलमा आर्मीलाई जित दिलाउन जगजित श्रेष्ठ, दिनेश हेन्जन र सुमन अर्यालले एक-एक गोल गरे भने फ्रेन्ड्सका जमल एन्थोनीले एक गोल फर्काए ।

खेलको ११औं मिनेटमा जगजित श्रेष्ठले गोल गर्दै आर्मीलाई सुरुआती अग्रता दिलाएका थिए ।

यस्तै खेलको ४५ औं मिनेटमा दिनेशले गोल गर्दै आर्मीलाई २-० गोलको अग्रता दिलाए ।

जर्ज प्रिन्सको हेडर पासमा अनमार्क रहेका दिनेशले सहजै गोल गरे ।

खेलको दोस्रो हाफको सुरुआतमै फ्रेन्ड्सले एक गोल फर्कायो ।

आर्मीका डिफेन्डरको गल्तीमा एन्थोनीले गोल गर्दै खेल २-१ को स्थितिमा ल्याए ।

आर्मीका डिफेन्डर युद्द शाहीको ब्याक पासमा फ्रेन्ड्सका कप्तान प्रिजेनले उपलब्ध गराएको बलमा एन्थोनीले सहजै गोल गरे ।

खेलको ७१औं मिनेटमा सुमनले गोल गर्दै आर्मीलाई ३-१ को अग्रता दिलाए ।

जगजितको कर्नरमा अनमार्क रहेका सुमनले हेड मार्फत गोल गरे ।

खेलको ७८औं मिनेटमा फ्रेन्ड्सका सुरज बिकको हेडर आर्मीका गोलकिपर विकेशले उत्कृष्ट बचाउ गरे ।

त्यसपछि थप गोल भएन र आर्मीले सहज जित निकाल्यो ।

जितसँगै आर्मी लिगको तेस्रो स्थानमा उक्लिएको छ ।

आर्मीले ९ खेलमा १७ अंक जोडेको छ ।

फ्रेन्ड्सले ९ खेलमा ३ अंक जोडेर पुछारमा रहेको छ ।

हारसँगै फ्रेन्ड्समाथि रेलिगेसनको दबाब बढेको छ ।