अखबार नेपाल ट्रेन्डिङ

एजेन्सीः स्पेनिस ला लिगा फुटबल विश्वको प्रतिष्ठित लिगमध्ये एक हो । आज राति हुने खेलमा उपाधिको ला लिगा उपाधि टुंगो लाग्ने छ ।

उपाधिको होडमा डिफेन्डिङ च्याम्पियन रियल मड्रिड र एट्लेटिको मड्रिड छन् ।

यस सिजनमा ला लिगाको प्रतिस्पर्धा निकै रोमंचक र प्रतिस्पर्धात्मक भएको छ ।

अन्तिम चरणबाट मात्र ला लिगा उपाधि टुंगो लाग्ने भएको छ ।

उपाधि छिनोफानोको लागि आज राति ९ः४५ मा सुरु हुने खेलमा एट्लेटिकोले भालाडोलिडलाई हराउन सके मात्र उसले उपाधि जित्ने छ ।

एट्लेटिको बराबरीमा रोकियो र दोस्रो स्थानको रियलले खेल जित निकालेको अवस्थामा दुवै टिमको समान ८२ अंक हुनेछ ।

यस्तो अवस्थामा भने हेड टू हेडको आधरमा रियल मड्रिडले लिग जित्ने छ ।

स्पेनिस ला लिगमा प्रायजसो रियल म्याड्रिड र बार्सिलोनाकै दबाब रहने गर्दछ ।

रियलले ३४ पटक उपाधि जित्दा बार्सिलोनाले २६ पटक उपाधि आफ्नो कब्जमा पारेको छ ।

एट्लेटिकोले ला लिगाको १० ट्रफि जितेको छ ।

एथ्लेटिको बाल्बियो, भ्यालेन्सिया, रियल सोसिडाड, डिपोर्टिभो, सेभिया र रियल बेटिसले क्रमशः ८, ६, २, १, १ र १ पटक जितेका छन् ।

दुई क्लबको दबदबा रहेको अवस्थामा अहिले एट्लेटिकोले आफूलाई स्थापित गर्ने अवसर पाएको छ ।

यदि उसले उपाधि जिते ठूलो रकमको पुरस्कार पाउने छ ।

राम्रो स्पोन्सर पाउने छ, जसले उसलाई अझ राम्रो खेलाडी किन्न प्रोत्साहन मिल्ने छ ।

पछिल्लो २५ वर्षमा एक मात्र उपाधि जितेको एट्लेटिकोलाई इतिहास रच्ने अर्को अवसर छ ।

स्पेनको राजधानी मड्रिडमा १९०३ अप्रिलमा स्थापना भएको एट्लेटिकोले १८३९–४० को सिजनमा पहिलोपटक उपाधि जितेको थियो ।

उसले १९४०–४१, १९४९–५०, १९५०–५१, १९६५–६६, १९६९–७०, १९७२–७३, १९९५–९६ मा पनि उपाधि जितेको थियो ।

ला लिगाको रेलिगेसनमा पर्ने टिमको पनि टुंगो लाग्ने छ ।

आइबर रेलिगेसन भइसकेको छ ।

भालाडोलिड, एल्चे र ह्वेस्कामध्ये दुई टिम रेलिगेसनमा पर्नेछन् ।

यो पनि पढ्नु होस्

https://www.akhabarnepal.com/%e0%a4%95%e0%a5%8b%e0%a4%b2%e0%a4%ae%e0%a5%8d%e0%a4%ac%e0%a4%bf%e0%a4%af%e0%a4%be%e0%a4%ae%e0%a4%be-%e0%a4%95%e0%a5%8b%e0%a4%aa%e0%a4%be-%e0%a4%85%e0%a4%ae%e0%a5%87%e0%a4%b0%e0%a4%bf%e0%a4%95%e0%a4%be/