अखबार नेपाल ट्रेन्डिङ

एजेन्सी: पाकिस्तानका कप्तान बाबर आजम अप्रिल महिनामा आईसीसीको उत्कृष्ट क्रिकेटर चुनिएका छन् ।

अवार्डका लागि बाबरसँगै पाकिस्तान फकर जमान र नेपालका कुशल भुर्तेल पनि मनोनयनमा परेका थिए ।

फकर जमानले दक्षिण अफ्रिकाविरुद्धको वनडे सिरियामा उत्कृष्ट प्रदर्शन गरेका थिए भने कुशल भुर्तेलले नेदरल्यान्ड र मलेसियाविरुद्ध टी–२० त्रिदेशीय सिरिजको उपाधि नेपाललाई जिताउन महत्वपूर्ण भूमिका खेलेका थिए ।

त्यसक्रममा कुशलले ५ खेलमा चार अर्धशतक बनाएका थिए । बाबरले भर्खरै मात्र वान डे क्रिकेटमा ब्याट्सम्यान तर्फको सूचीमा विराट कोहलीलाई पछि पारेर पहिलो नम्बर हासिल गरेका थिए ।

उनले यसै महिना सर्वाधिक चाँडो २ हजार टी–२० रन आफ्नो नाममा लेखाएका थिए ।

बाबरले अप्रिल महिनामा तीनवटा एकदिवसीय खेलमा ७६ को औसतमा २ सय २८ रन बनाएका थिए, जबकी यसै महिना सात वटा टी २० खेलमा उनले ३ सय ५ रन बनाएका थिए ।

कोरोना महामारीका कारण स्थगन भएको इन्डियन प्रिमियर लिगको बाँकी खेल खेलाउन चार राष्ट्र इच्छुक