अखबार नेपाल ट्रेन्डिङ

काठमाडौं: त्रिकोणात्मक टी–ट्वान्टी क्रिकेट सिरिजको उपाधिका लागि आज नेपाल र नेदरल्यान्ड्स भिड्दै छन् ।

टियु अन्तर्राष्ट्रिय क्रिकेट मैदानमा नेपाल र नेदरल्यान्ड्सबीचको फाइनल खेल अपरान्ह १:१५ बजे सुरु हुनेछ ।

नेपालको कप्तानी ज्ञानेन्द्र मल्ल र नेदरल्यान्ड्सको पिटर शिलारले गर्ने छन् ।

११ वर्षपछि नेपालले घरेलु मैदानमा उपाधि जित्ने लक्ष्यका साथ मैदानमा उत्रने छ ।

नेपालले पछिल्लो पटक सिरिज सन् २०१९ को जुलाईमा मलेसियासँग दुई टी–ट्वान्टी खेलमा क्लिनस्विप गरेको थियो ।

सन् २०१९ को सुरुवातमै यूएईसँग तीन ओडिआई तथा टी–ट्वान्टी आई सिरिज समान २–१ ले जितेको थियो ।

नेपालले हालसम्म त्रिकोणात्मक सिरिज भने जितेको छैन । आज पहिलो त्रिकोणात्मक सिरिज जित्ने लक्ष्यका साथ मैदानमा उत्रनेछ ।

नेदरल्यान्ड्स पनि नेपाललाई उसैको घरेलु मैदानमा पराजित गर्दै सिरिजको उपाधि जित्न चाहन्छ ।

सिरिजको पहिलो खेलमा नेदरल्यान्ड्सलाई ९ विकेटले पराजित गरेको नेपाल फाइनलमा पनि त्यही लयलाई कायम गर्न चाहन्छ ।

सिरिजमा नै उच्च प्रदर्शन गरेको नेपाल फाइनलमा पनि नेदरल्यान्ड्सलाई कडा चुनौती दिन चाहन्छ ।

तर, नेदरल्यान्ड्ससँग पनि सिरिजको दोस्रो खेलमा नेपाललाई पराजित गरेको उच्च मनोबल छ ।

नेदरल्यान्ड्सले दोस्रो खेलमा नेपाललाई ३ विकेटले पराजित गरेको थियो ।

नेदरल्यान्ड्स पनि आफ्नो त्यहि लयलाई कायम राख्दै उपाधि जित्ने लक्ष्यका साथ मैदान उत्रिने छ ।

हेर्नुहोस् तपाईको आज २०७७ बैशाख ११ गते शनिबारको तपाईको राशिफल