अखबार नेपाल ट्रेन्डिङ

एजेन्सी: स्पेनिस ला लिगा फुटबलमा उपाधि दाबेदार बार्सिलोनाले हुयस्कामाथि ४-१ गोल अन्तरको सहज जित निकालेको छ ।

बार्सिलोनालाई जित दिलाउन कप्तान लियोनल मेस्सीले दुई गोल गरे ।

यस्तै एन्टोनियो ग्रीजम्यान र ओस्कार मिन्ग्गुएजाले एक एक गोल गरे ।

हुयस्काका राफा मिरले एक गोल फर्काए ।

खेलको १३औं मिनेटमा मेस्सीले गोल गर्दै टोलीलाई सुरुवाती अग्रता दिलाएका थिए ।

खेलको ३५औं मिनेटमा ग्रीजम्यानले गोल गर्दै बार्सिलोनाको अग्रता २-० को बन्यो ।

पहिलो हाफको अतिरिक्त समयमा राफाले पेनाल्टीमा गोल गर्दै हुयस्कालाई २-१ को स्थितिमा ल्याए ।

खेलको ५३औं मिनेटमा ओस्कारले गोल गर्दै बार्सिलोनाको अग्रता ३-१ को बनाए ।

त्यसपछि खेलको ९०औं मिनेटमा मेस्सीले गोल गर्दै टिमलाई ४-१ को जित दिलाए ।

मेस्सीले बार्सिलोनाका लागि सर्वाधिक खेल खेल्ने जाभीको कीर्तिमानसँग बराबरी समेत गरेका छन् ।

जितसँगै बार्सिलोना लिगको दोस्रो स्थानमा उक्लिएको छ ।

बार्सिलोनाले २७ खेलमा ५९ अंक जोडेको छ ।

हुयस्का २० अंक जोडेर पुछारमा रहेको छ ।

इंग्लिस प्रिमियर लिग फुटबलमा लिभरपुलको साँघुरो जित
राष्ट्रपति विद्यादेवी भण्डारीको आह्वानमा आज सर्वदलीय बैठक बस्दै