अखबार नेपाल ट्रेन्डिङ

एजेन्सीः स्पेजियालाई ४-२ गोल अन्तरले हराउँदै नापोली कोपा इटालिया फुटबलको सेमिफाइनलमा प्रवेश गरेको छ ।

नापोलीको जितमा कालीडोउ कुलेबाली, हिर्भीङ लोजानो, माटियो पोलीटानो र एल्जिफ एल्मासले एक एक गोल गरे ।

स्पेजियाका इम्यानुएल ग्यासी र गेनारो अकम्पोराले एक एक गोल फर्काए ।

खेलको ५औं मिनेटमा कालीडोउको गोलबाट नापोलीले अग्रता बनाएको थियो ।

खेलको २०औं मिनेटमा लोजानोले गोल गर्दा नापोलीको अग्रता २-० को बन्यो ।

माटियोले खेलको ३०औं मिनेटमा गोल गर्दा घरेलु टिम ३-० ले अघि रह्यो ।

खेलको ४० औं मिनेटमा एल्जिकले गोल गर्दै टोलीको अग्रता ४-० को बनायो । दोस्रो हाफमा स्पेजियाले दुई गोल फर्कायो ।

खेलको ७० औं मिनेटमा इम्यानुएलले गोल गर्दै खेल ४-१ मा ल्याए ।

त्यसपछि खेलको ७३औं मिनेटमा अकम्पोराले थप एक गोल गरेपनि स्पेजिया ४-२ ले पराजित भयो ।

अब नापोलीले सेमिफाइनलमा एटलान्टासँग प्रतिस्पर्धा गर्नेछ ।