अखबार नेपाल ट्रेन्डिङ

एजेन्सीः कोरोना भाईरसका कारण गत मार्चबाट रोक्किएको युरोपको ठूलो मध्येको एक जर्मनीको बुन्डेस लिगा शनिबारबाट सुचारु हुँदैछ । शनिबार पहिलो दिन बुन्डेस लिगाका ६ वटा खेलहरु हँदैछन् भने आईतबार २ खेल र मंगलबार १ मात्र खेल हुनेछ ।

शनिबार लिग अन्तर्गत पहिलो खेलमा दोश्रो स्थानको डर्टमण्डले छैठौं स्थानमा रहेको साल्केसँग डर्टमण्डको घरेलु मैदान सिग्नल ईडुना पार्कमा भिड्दै छ । लिग उपाधिमा वायर्न म्युनिखसँगको प्रतिस्पर्धा जारी राख्न शनिबारको खेल डर्टमण्डले जितका लागि खेल्नेछ । यी दुईबिचको खेल नेपाली समय अनुसार बेलुकी सवा सात बजेबाट शुरु हुनेछ ।

शनिबार नै सवा सातमा अन्य चार खेलमा सातौ स्थानको वुल्फ्स् बर्गले चौधौ स्थानमा रहेको अक्सबर्गसँग खेल्नेछ । त्यसैगरी रेलिगेसन जोनमा रहेको दुई क्लब डुसेल्दोर्फ र प्याडरबर्न आमने सामने हुनेछ भने तेस्रो स्थानमा रहेको आरबी लेब्जिगले आठौ स्थानमा रहेको फ्रेबर्गको सामना गर्दैछ ।

नवौ स्थानमा रहेको होफेनहामले १३औ स्थानमा रहेको हेर्था बर्लिनको सामना गर्दै छ । शनिबार हुने अन्तिम खेलमा चौथो स्थानमा रहेको बोरुसिया मोन्चेङ्लाबाडले बार्हौ स्थानमा रहेको फ्र्यान्कफर्टको सामना गर्दैछ । यो खेल नेपाली समय अनुसार राति सवा दशबजेबाट सुरु हुनेछ ।

२६औं चरण अन्तर्गत आईतबार हुने खेलमा साविकको विजेता वायर्न म्युनिखले युनियन बर्लिनको सामना गर्नेछ । खेल युनियन बेर्लिनको घरेलु मैदान अल्टेन फर्स्टेरी मैदानमा हुनेछ । शिर्ष स्थानमा रहेको वायर्नको २५ खेलबाट ५५ अंक छ । यी दुईबिचको खेल नेपाली समय अनुसार आईतबार पौने ९ बजे सुरु हुनेछ । त्यसै गरि आईतबार नै हुने सवा ७ बजेको खेलमा १०औ स्थानको एफसी कोलोनले १ औ स्थानको मेन्ज् क्लबको सामना गर्दैछ ।

मंगलबार २६औं चरणको अन्तिम एक मात्र खेल हुनेछ । उक्त खेलमा रेलिगेसन जोनमा रहेको वेर्डेर ब्रेमेनले आफ्नो घरेलु मैदान वेसर स्ट्याडियोनमा पाँचौ स्थानमा रहेको बायर लेभरकुसेनको सामना गर्दैछ । यो खेल मध्यराति सवा १२ बजेबाट हुनेछ । बुन्डेस लिगाका सबै खेलहरु बिना दर्शक बन्द स्टेडियममा हुनेछन् ।