अखबार नेपाल ट्रेन्डिङ

एजेन्सीः पेरिस सेन्ट जर्मेन (पिएसजी)ले लिग वानमा अपराजित यात्र कायमै राखेको छ ।

अच्राफ हाकिमीले इन्ज्युरी समयमा गोल गर्दा पिएसजीले मेट्जलाई २–१ ले हराएको छ ।

बुधबार राति भएको खेलमा पिएसीले मेट्जलाई २–१ ले हराएको हो ।

हाकिमीले खेलको पाँचौँ मिनेटमा गोल गर्दै पीएसजीलाई अग्रता दिलाएका थिए ।

मेट्जका बाउबकर कौयतले ३९औँ मिनेटमा गोल गर्दै खेल बराबरीमा ल्याए ।

पहिलो हाफ १–१ गोलको बराबरीमा सकिएको थियो ।

मेट्जका कप्तान डायलन ब्रोन दोस्रो हाफको इन्ज्युरी समयमा रातो कार्ड पाएका थिए ।

रातो कार्ड पाउदै कप्तान डायलन ब्रोन मैदानबाट बाहिरिँदा मेट्ज १० खेलाडीमा समेटियो ।

दश खेलाडीमा समेटिएको मेट्रज माथि पिएसजीका लागि हाकिमीले खेलको अन्तिम समयमा गोल गर्दै टिमलाई जित दिलाए ।

उनले नेयमारको पासमा गोल गरेका थिए ।

जितसँगै पिएसजीले लिग वानमा सात खेलबाट २१ अंक जोडेको छ ।

पिएसजी अंक तालिकाको शीर्ष स्थानमा छ ।

मेट्ज ३ अंक सहित तालिकाको पुछारमा रहेको छ ।

गत वर्ष उपाविजेतामा सिमित भएकाे पिएसजी याे वर्ष लिग वान मात्र नभएर च्यािम्पियन्ससिप समेत जित्ने दाउमा रहेकाे छ ।

पेरिस सेन्ट जर्मेन (पिएसजी)का स्टार खेलाडी लियोनल मेस्सी यो खेलमा टिमको सेटमा थिएनन् ।

मेस्सीको घुँडामा चोट लागेको कारण उनी टिममा समेटिएका थिएनन ।

यो पनि पढ्नु होस्ः