अखबार नेपाल ट्रेन्डिङ

काठमाडौं:  सानिमा लाइफ इन्स्योरेन्स कम्पनीको प्राथमिक शेयर बांडफांड भएको छ । सानिमा लाइफ इन्स्योरेन्स कम्पनीको दरबारमार्ग स्थित बिजनेस कार्यालयमा बांडफांड सम्पन्न भएको हो ।

कम्पनीले साउन २० गते देखि २४ गतेसम्म सार्वजनिक निष्काशन गरेको प्राथमिक शेयरमा २४ लाख १९ हजार ८४८ जनाले आवेदन दिएका थिए । उनिहरुले तीन करोड ६९  लाख ५१  हजार ८० कित्ताको लागि आवेदन दिएका थिए ।

विभिन्न कारणले एक लाख ६ हजार २९२ जनाको आवेदन रद्द भएको छ । त्यस्तै दोहोरो आवेदन दिने ५ हजार ४३४ जनाको पनि आवेदन रद्द भएको बिक्री प्रवन्धक प्रभु क्यापिटलले जनाएको छ । दुबै कारणले आवेदन रद्द हुनेको संख्या एक लाख ११ हजार ७२६ जना रहेका छन् ।

यस हिसाबले योग्य आवेदकको संख्या २३ लाख ८ हजार १२२ जना रहेको छ । उनिहरुले तीन करोड ४२ लाख ५ हजार २० कित्ताको लागि आवेदन दिएका थिए । सर्वसाधारण समुह तर्फको ६० लाख  कित्तामध्ये ५ प्रतिशत अर्थात तीन लाख कित्ता कर्मचारी र यतिनै बराबरको शेयर म्युचुअल फण्डलाई बांडफांड गरिएको छ ।

बांकी रहेको ५४  लाख  कित्ता आम सर्वसाधारणले प्राप्त गर्न सक्नेछन् । योग्य २३ लाख ८ हजार १२२  आवेदनमध्ये भाग्यसाली ५ लाख ४० हजारले १०/१० कित्ता शेयर प्राप्त गरेका छन् । बाँकि १७ लाख ६८ हजार १२२ जनाको हात खालि भएको छ ।

प्राथमिक शेयरको नतिजा कम्पनीको वेबसाइट https://sanimalife.com/बिक्री प्रबन्धक प्रभु क्यापिटलको वेबसाइट http://results.prabhucapital.com/  सिडीएससीको मेरो शेयरको वेबसाइट http://meroshare.cdsc.com.np सिडीएसले आईपीओको लागि संचालन गरेको वेबसाइट http://iporesult.cdsc.com.np बाट हेर्ने सकिने छ ।

यो पनी पढ्नुहोस् :

अर्थमन्त्री जनार्दन शर्माले गभर्नर महाप्रसाद अधिकारीलाई सोधपुछ