अर्थमन्त्री जनार्दन शर्माले गभर्नर महाप्रसाद अधिकारीलाई सोधपुछ
वि.सं.२०७८ साउन २९ शुक्रवार १७:१२
काठमाडौं: अर्थमन्त्री जनार्दन शर्माले नेपाल राष्ट्र बैंकका गभर्नर महाप्रसाद अधिकारीलाई सोधपुछ गरेका छन् । निर्धारित समयभन्दा अगाडि नै मौद्रिक नीतिमा भएका व्यवस्थाहरुबारे सञ्चार माध्यमहरूले समाचार बनाएपछि अर्थमन्त्री जनार्दन शर्माले सोधपुछ गरेका हुन् ।
जनार्दन शर्माले गभर्नर महाप्रसाद अधिकारी र अर्थसचिव मधु कुमार मरासिनीसँग निर्धारित समयभन्दा अगाडि नै छताछुल्ल भएको बारे जानकारी मागेका छन्।
बैंक सञ्चालक समितिको शुक्रवार बिहान ८:३० बजे बसेको बैठकले अनुमोदन गरेपछि अपराह्न ४:१५ मा मौद्रिक नीति सार्वजनिक गर्ने तयारी गरेको थियो । राष्ट्र बैंकको सात सदस्स्यीय संचालक समितिमा गभर्नर अध्यक्ष रहन्छन भने अर्थ सचिव संचालक सदस्य हुन्छन् ।
राष्ट्र बैंक स्वायत्त निकाय भएको भनीएपनि अर्थसचिव बीना संचालक समितिको बैठक समेत बस्नलाई हम्मे हम्मे हुने गर्दछ । अन्य संचालकमा दुई जना डेप्यूटी गभर्नर र सरकारले नियुक्त गर्ने तीन जना सदस्यहरु रहन्छन्।
अर्थमन्त्री ज्यूले गभर्नरलाई कसरी मौद्रिक नीति बाहिरियो भनेर सोध्नु भयो । यसबारे मन्त्रालय निकै गम्भीर बनेको छ । गभर्नरले आफू यसबारे अनविज्ञ रहेको र थप कुरा बुझेर अर्थमन्त्रीलाई बताउने बाचा गरेका स्रोतले जनाएको छ ।
गभर्नर महाप्रसाद अधिकारीले पछिल्लो घटनाबाट आफू अचम्ममा परेको बताउनु भएको छ। उनले आफू कसरी र कुन व्यक्ति विशेषबाट यस्तो अक्षम्य गल्ती भयो भन्ने अनुसन्धानमा लागिसकेको बताए ।
उनले भने यही ढङ्गले यस्तै गतिविधि हुने हो भने संस्थागत सुशासन कुनै पनि हालतमा कायम हुन नसक्ने चिन्ता व्यक्त गर्दे अनुसन्धान सुरु गरिसको र यस्तो अक्षम्य गल्ती गर्नेलाई कारबाही गर्ने बताउनु भएको छ ।
यो पनी पढ्नुहोस् :
लक्ष्मी बैंक लिमिटेडले १ अर्ब ५४ करोड रुपैयाँ बढी नाफा आर्जन
वि.सं.२०७८ साउन २९ शुक्रवार १७:१२