अखबार नेपाल ट्रेन्डिङ

काठमाडौः चीनको रोबोटिक च्याङ्ग इ फाइच अन्तरिक्ष यानले चन्द्रमाको सतहबाट पहिलो पटक रंगीन तस्बिर पठाएको छ । चन्द्रमाको सतहमा अवतरण गरेको अन्तरिक्ष यानको ल्यान्डरले आफ्नो सतहमा उभिएर आकाशतर्फको रंगीन तस्बिर पठाएको चीनले जनाएको छ ।

चिनियाँ यान मंगलबार राति चन्द्रमाको सहतमा अवतरण भएको थियो । चीनले यो मिसनवाट चन्द्रमाबाट ढुंगा र माटो पृथ्वीमा ल्याउने योजना बनाएको छ । चिनिया यानले सतहबाट नमूना संकलन थालिसकेको छ । संकलित ती नमूनाहरु पृथ्वीमा फर्काउने यानसम्म पुर्याउने काम भने बिहीबारवाट सुरु हुने चिनियाँ राष्ट्रिय स्पेस प्रशासन ‘सीएनएसए’ले जनाएको छ ।

मंगलग्रहवाट फर्कने चिनिया यान मंगोलियाको भित्री इलाकाको सिजिवाङको घाँसे मैदानमा अवरतण गराउने योजना छ । चिनिया यान नोभेम्बर २४ मा वेनचाङ स्टेशनबाट चन्द्रमातर्फ प्रक्षेपण गरिएको थियो ।