अखबार नेपाल ट्रेन्डिङ

काठमाडौः नारायणगढ-मुग्लिन सडकखण्डमा पहिरो गएपछि सो रुट भएर चल्ने सवारी साधन दिउसोको समयमा बन्द हुने भएको छ । पहिरो रोकथाम प्रयास भएपनि काम नसकिएपछि आज र भोली दिउँसोसम्म पनि सडक बन्द हुनसक्ने भएको हो ।

सडक आयोजनाले सूचना जारी गर्दै ढुङ्गा झार्ने र अन्य रोकथामका काम नसकिएकोले थप दुई दिन दिउँसो सडक बन्द हुने जनाएको छ । गत मङ्सिर २७ गतेदेखि बिहान ११ बजेदेखि दिउँसो ३ बजेसम्म सडक बन्द गरी काम हुँदै आइरहेको छ । सो कार्य नसकिएको हुँदा भोली दिउँसो पनि सोही समयमा सडकखण्डमा सवारीसाधन रोकिने नारायणगढ-मुग्लिन सडक आयोजनाका जानकारी दिएको हो । नारायणगढबाट मुग्लिनतर्फ जाने यात्रुवाहक सवारी साधन पन्ध्रकिलो र मालवाहक सवारीसाधन दासढुङ्गामा रोकिएका छन् । यस्तै मुग्लिनबाट नारायणगढतर्फ आउने यात्रुवाहक सवारी साधन मुग्लिन र बेनिटार तथा मालवाहक सवारी साधन लेवाटार र आँबुखैरहनीमा रोकिने आयोजनाले जनाएको छ ।