अखबार नेपाल ट्रेन्डिङ

काठमाडौः पश्चिमी न्यून चापीय वायुको प्रभावले देशभरको मौसममा बदली भएको छ । मौसमको बदलीसँगै उच्च पहाडी जिल्ला र हिमाली जिल्लामा हिमपात भएको छ । हिमपातका कारण धेरै स्थानमा जनजीवन प्रभावित भएको छ । कतै बाटो अवरुद्ध छ भने कतै गाउँ नै सम्पर्कबिहीन छ । हिमपातले डाँडाकाँडा ढाकेर सेताम्य भएका छन् ।

हिउँ खेल्न हिउँ परेका स्थानमा जाने पर्यटकको संख्या बढेको छ । तर, स्थानीयले भने हिमपातले दैनिक क्रियाकलाप नै प्रभावित भएको भन्दै आफूहरुका लागि सास्ती भएको बताएका छन् । हिमपातसँगै अत्यधिक चिसो समेत बढेकोले पहाडी जिल्लाका जनजीवन कष्टकर बनेको छ । चिसोका कारण स्थानीयबासी घरबाहिरको काममा निस्कन सकेका छैनन् ।