अखबार नेपाल ट्रेन्डिङ

काठमाडौं: नेपाली कांग्रेस पार्टी सभापति शेरबहादुर देउवा निवास धुम्बाराहीमा बसेको संसदीय दल कार्यसमितिको बैठकले राष्ट्रियसभाको उपाध्यक्षमा उम्मेदवारी दिने निर्णय गरेको छ ।

उपाध्यक्षमा उम्मेदवार दिने र अन्य दलसँग छलफल गरेर अघि बढ्ने निर्णय भएको प्रमुख सचेतक रमेश लेखकले बताए । तर, कसलाई उम्मेदवार बनाउने भन्नेचाहिँ टुंगो नलागेको उनले बताए ।

यही २३ माघमा राष्ट्रियसभा उपाध्यक्षको निर्वाचन हुँदैछ । त्यस्तै कार्य समिति बैठकले माघ २६ गते संसदीय दलको बैठक बोलाउने निर्णय गरेको छ ।

राष्ट्रपतिमा राष्ट्रिय सहमति गर्ने कुरा प्रधानमन्त्री पुष्पकमल दाहाल प्रचण्डले बतारहेको बेला कांग्रेस प्रधानमन्त्रीको भनाइप्रति विश्वस्त रहेको लेखकको भनाइ छ ।