अखबार नेपाल ट्रेन्डिङ

काठमाडौं: रवि लामिछानेको राष्ट्रिय स्वतन्त्र पार्टी मकवानपुरमा सेटिङ गरेर आफ्नै उम्मेदवारलाई हराएको भन्दै केन्द्रमा उजुरी परेको छ ।

जिल्ला सभापतिमाथि नै कारबाहीको माग गर्दै ४७ जनाले दिए सामूहिक उजुरी दिएका हुन् । मकवानपुर सभापति राजकुमार न्यौपानेमाथि चुनावमा कांग्रेसका नेता तथा उम्मेद्वार ईन्द्र बानीयासँग सेटिङ गरेर आफ्नै पार्टीको उम्मेदवार हराएको नेता-कार्यकर्ताले आरोप लगाउदै केन्द्रमा कारबाहीको माग सहित उजुरी परेको हो ।

न्यौपानेले स्वतन्त्र पार्टीका समानुपातिक उम्मेदवार नुरमान प्रजालाई लिएर नेपाली कांग्रेसका वागमती प्रदेश सभापति एवम् क्षेत्र नम्बर २ ‘ख’ का उम्मेदवार इन्द्रबहादुर बानियाँको घरमा गएर विभिन्न प्रलोभनमा पारेको पत्रमा उल्लेख छ । सेटिङबारे आफूहरूसँग प्रमाण रहेको र प्रमाणसहित केन्द्रीय समितिमा इमेल गरिएको सुरेशको दाबी छ ।

सभापति न्यौपानेलाई कारबाहीको माग गर्दै स्वतन्त्र पार्टीका वागमती कोषाध्यक्ष तथा मकवानपुर-१ का उम्मेदवार समेत रहेका टाकाराज थापा ‘सुरेश’ नेतृत्वको टोलीले हस्ताक्षर अभियान चलाएको खुलेको छ । पार्टीका ४७ जना नेता-कार्यकर्ताले हस्ताक्षर गरेर मंसिर १२ गते नै केन्द्रीय कमिटीमा इमेलमार्फत पत्र पठाइएको छ ।