अखबार नेपाल ट्रेन्डिङ

काठमाडौँ : इलामको चिया बिक्रीमा समस्या उत्पन्न भएपछि त्यसको चिन्ता नेकपा एकीकृत समाजवादीका सम्मानित झलनाथ खनाललाई परेको छ । जसको समस्या निराकरणका लागि खनालले आज प्रधानमन्त्री शेरबहादुर देउवालाई भेट्दैछन् ।

खनाल र प्रधानमन्त्री देउवाबीच अहिले बिहान ९ः३० बजे भेट्ने कार्यक्रम रहेको छ । भर्खरैमात्र भारतले नेपालको चियालाई आयात गर्नमा४० प्रतिशत सम्म सम्भावित कर लगाउने कुरा बाहिर आएको छ।

यो शहर समस्याका लागि यो समस्याको समाधानका लागि भारतसँग तत्कालीन कूटनीतिक पहल गरी करको प्रतिशत हटाउनुपर्ने माग सहित पूर्वप्रधानमन्त्री तथा क्षेत्र नं १ इलामका सांसद खनालको नेतृत्वमा आज बिहान ९ः३० मा बालुवाटारमा छलफल हुन लागेको हो ।

हिजो मात्र इलामका उत्पादक र व्यवसायीहरुले पूर्वप्रधानमन्त्री खनालको निवासमा चियाका समस्या र समाधानको बारे २ घन्टा छलफल गरेका थिए । त्यसपछाडि पूर्वप्रधानमन्त्री खनाल कै पहलमा अर्थ मन्त्रालयसँग पनि छलफल भएको थियो।

त्यहि सिलसिलामा आज पूर्वप्रधानमन्त्री झलनाथ खनालसहित इलामका चिया उत्पादक र व्यवसायीहरूले प्रधानमन्त्रीलाई भेट्न लागेका हुन ।