अखबार नेपाल ट्रेन्डिङ

काठमाडौं: स्थानीय तह चुनावको रणनीति तय गर्नका लागि सत्तागठबन्धनमा आवद्ध दलका शीर्ष नेताको बैठक प्रधानमन्त्री निवास बालुवाटारमा बस्दैछ ।

प्रधानमन्त्री शेरबहादुर देउवा भारतको तीन दिने औपचारिक भ्रमण गरेर स्वदेश फर्किएपछि गठबन्धनको बैठक बसेको हो ।

सत्ताको नेतृत्व गरिरहेको दल नेपाली कांग्रेसभित्रै चुनावी तालमेलको विषयमा कुरा नमिलिरहेको स्थितिमा सत्तागठबन्धनको बैठक बस्न लागेको हो ।

गठबन्धनमा आवद्ध दलबीच चुनावी तालमेल हुने भनिए पनि उम्मेदवारको भागबण्डा लगायतका विषयमा कुरा मिलेको छैन ।

माओवादी केन्द्र र नेकपा एस बढीभन्दा बढी भाग लिएर चुनावमा जाने पक्षमा छन् भने कांग्रेसको संस्थापनइतर पक्ष कमजोर ठाउँमा मात्रै चुनावी तालमेल हुनुपर्ने बताइरहेको छ ।

निर्वाचन आयोगले आजै चुनावमा सहभागी हुने दलहरुलाई छलफलका लागि बोलाएको छ ।