अखबार नेपाल ट्रेन्डिङ

काठमाडौं: आयोजना अघि नै विवादमा परेको ड्रिम हाइ नेपालले आयोजना गरेको पहिलो मिडिया अवार्ड अधिकांस पत्रकारको बहिष्कारकाबीच सम्पन्न भएको छ ।

सोल्टी होटलमा आयोजित अवार्ड कार्यक्रममा पत्रकारभन्दा बढी चलचित्र क्षेत्रका व्यक्तिहरुको उपस्थिति रहेको थियो ।

अवार्ड जित्ने अधिकांस पत्रकार कार्यक्रममा अनुपस्थित रहेका थिए ।

अवार्ड कार्यक्रम अगाडि नै धेरैले वहिष्कारको घोषणा गरिसकेकाकाले मनोनयनमा परेकाहरुको नाम नभनि सिधै विजेताको घोषणा गरिएको थियो ।

जसले बहिष्कार घोषणा गरेका थिएनन् उनीहरुमध्येबाट विजेता छानिएको हो । त्यसैले कस्ताले अवार्ड पाए भन्ने बहसको विषय नै भएन ।

कार्यक्रमका होस्ट दिनेश डिसीले विजेताको नाम घोषणा गर्दा अवार्ड थाप्नेको खडेरी देखिएको थियो । कार्यक्रममा व्यंग्य प्रस्तुत गर्दै हास्यकलाकार जितु नेपालले पहिले मान्छेले अवार्ड खोज्ने गरेकोमा आजकाल अवार्डले मान्छे खोज्ने गरेको बताए ।

मनोरञ्जनको विधामा कलम चलाउने एक मात्र विसुद्ध पत्रकार विजय आवाज थिए । उनी अनलाइनखबर डटकमा रिपोर्टिङ गर्छन् । अवार्ड लिँदै गर्दा उनी खासै उत्साहित भने देखिएका थिएनन् ।

टिभी प्रस्तोताको विधामा अभिनेत्री रिमा विश्वकर्माले अवार्ड पाइन् । चलचित्र सम्वन्धी अवार्डको झल्को दिँदै रिमाले अवार्ड लिएपछि छोटो आफ्नो भनाई पनि राखेकी थिईन् ।

यसअघि घोषणा नै नगरिएको मोस्ट पपुलर जर्नालिस्ट अर्थात् सर्वाधिक लोकप्रिय पत्रकारको अवार्ड ऋषि धमलालाई दिइयो ।

सोल्टी होटलमा आयोजित अवार्ड कार्यक्रममा ‘लाइफ टाइम अचिभमेन्ट अवार्ड’ तर्फ ५१ हजार १ सय ११ रुपैयाँ नगद पुरस्कारको अवार्ड पुराना पत्रकार भैरव रिसाल, चलचित्रकर्मी नीर शाह र वरिष्ठ पत्रकार किशोर नेपाललाई प्रदान गरिएको छ ।

कार्यक्रमको अध्यक्षता आयोजक संस्था ड्रिम हाइ नेपालका प्रमुख कमल जिसीले गरेका थिए । प्रमुख अतिथिमा भने विनाविभागीय राज्यमन्त्री उमेश श्रेष्ठ थिए ।

कार्यक्रममा पत्रकार महासंघका अध्यक्ष विपुल पोखरेल उपस्थित थिए । उनले छोटो भाषण गर्दै पत्रकारितामा नौलो अभ्यास प्रारम्भ भएको र आफू रोमाञ्चित बनेको बताए ।

ड्रिम हाइ नेपालका कमल जिसीले निराशाकैबीच उत्साह जगाउन प्रयास गरे । उनले अवार्ड कार्यक्रमलाई आगामी वर्षहरुमा पनि निरन्तरता दिने दावी गरे ।

को-कसले पाए अवार्ड ?

१९ विधामा मनोनयन सार्वजनिक गरिएको भएपनि १८ विधामा मात्रै अवार्ड घोषणा गरिएको थियो ।

विजेताहरु यसप्रकार छन् :-

बेस्ट राइजिङ रिपोर्टर

अनिश भट्टराई :इकागज डटकम (बहिष्कार)

बेस्ट फोटो जर्नालिस्ट

वर्षा शाह :देशसञ्चार डटकम (बहिष्कार)

बेस्ट कार्टुनिस्ट

बासु क्षितिज :अन्नपूर्ण पोष्ट (बहिष्कार)

बेस्ट आर्ट एन्ड इन्टरनेटमेन्ट

विजय आवाज :अनलाइनखबर

बेस्ट स्पोर्ट्स जर्नालिस्ट

सरीता श्रेष्ठ :ग्यालेक्सी टिभी (बहिष्कार)

बेस्ट हेल्थ जर्नालस्टि

दिनेश गौतम :अन्नपूर्ण पोष्ट (बहिष्कार)

बेस्ट सोसियल स्टोरी जर्नालिस्ट

नारायण अधिकारी :नेपाल लाइभ (बहिष्कार)

बेस्ट विजनेस जर्नालिस्ट

रञ्जु काफ्ले :राइजिङ नेपाल (बहिष्कार)

वेस्ट युट्यूव क्रियटर

विद्या चापागाईं (बहिष्कार)

बेस्ट युट्युव च्यानल

ओम अग्रवाल :ओएसआर डिजिटल

बेस्ट रेडियो जर्नालिस्ट

अर्जुन पोखरेल :उज्यालो एफएम

बेस्ट टिभी प्रोग्राम होस्ट

रिमा विश्वकर्मा :कमेडी च्याम्पियन

बेस्टी टिभी रियालिटी शो

विशाल भण्डारी :कमेडी च्याम्पियन

बेस्ट टिभी जर्नालिस्ट

नरायण किलम्बू :कान्तिपुर टेलिभिजन (बहिष्कार)

बेस्ट इन्भेस्टिगेटिभ जर्नालिस्ट

प्रकाश बहादुर सिंह :दि हिमालयन टाइम्स (बहिष्कार)

बेस्ट टिभी न्यूज प्रिजेन्टर

अनिता बिन्दू :नेपाल टेलिभिजन (बहिष्कार)

बेस्ट प्रिन्ट प्रिन्ट जर्नालिस्ट

सुरेन्द्र काफ्ले :अन्नपूर्ण पोष्ट (बहिष्कार)

मोस्ट पुपुलर जर्नालिस्ट

ऋषि धमला