अखबार नेपाल ट्रेन्डिङ

काठमाडौं: नेपाली कांग्रेसको १४औँ महाधिवेशनमा सभापतिको दाबेदार रहेका शेखर कोइरालाको टीम लगभग तयार भएको छ ।

महामन्त्री पदमा गगन थापा र मिनेन्द्र रिजालको टुङ्गो लागेसँगै शेखरको टीमले आकार पाउने अन्तिम चरणमा पुगेको हो ।

स्रोतका अनुसार उपसभापतिमा चन्द्र भण्डारीको नाम निश्चित भएको छ । अर्का उपसभापतिमा रामशरण महत र महेश आचार्यमध्ये एक जना तय गर्ने विषयमा छलफल जारी रहेको छ ।

सह-महामन्त्रीमा खसआर्यबाट देवराज चालिसे, महिलाबाट कमला पन्त, दलितबाट जीवन परियार, मधेसीबाट रामकृष्ण यादव, मुस्लिमबाट शेख वकिल र थारुबाट तेजुलाल चौधरीको नाम लगभग फाइनल भएको छ ।

जनजाति र पिछडिएको क्षेत्रबाट महामन्त्रीको उम्मेदवारबारे छलफल चलिरहेको छ ।