अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशनका लागि सभापति पदमा बरिष्ठ नेता रामचन्द्र पौडेल र अर्का आकंक्षी शशांक कोराईरालाले छाडेका छन् ।

उनीहरुले सहमतिका लागि भन्दै सभापतिको दौड छाडेका हुन् ।  आज बत्तिसपुतलीमा भएको पौडेल पक्षको बैठकमा सहमतिका लागि भन्दै पौडेलले सभापति पद त्यागेका हुन  ।

अब पौडेलले पनि दाबी छोड्न तयार भएपछि उक्त समूहबाट शेखर कोइराला र प्रकाशमान सिंह मात्रै सभापतिका दाबेदार रहेका छन् ।

सभापतिका अर्का दाबेदार शशांक कोइरालाले हिजो मंगलबार नै सहमतिका लागि आफू छोड्न तयार रहेको बताएका थिए ।

तथापी अब दिउँसो तीन बजे  प्रकाशमान सिंहको चाक्सीबारी निवासमा पौडेल समूहका केन्द्रीय सदस्य र सभापतिका आकांक्षीहरूबीच छलफल भएपछि मात्र सभापतिको उम्मेदवार टुंगो लाग्ने बताईएको छ ।

सहमतिका लागि सभापतिको दाबी छोड्न पौडेल र कोइराला पनि उक्त छलफलमा सहभागी हुने छन् ।