अखबार नेपाल ट्रेन्डिङ

काठमाडौं: नेपाल पत्रकार महासंघ काठमाडौं शाखाकी सदस्य तारादेवी नेपाल (प्रकृती)ले आफ्नो जन्म दिनको अवसरमा ‘उपत्यका प्रदेश कोभिड पत्रकार राहत कोष’मा रु. ५ हजार १ सय रुपैयाँ उपलब्ध गराएका छन् ।

तत्कालिन प्रेस सङ्गठन नेपालका उपत्यका प्रदेश कमिटी केन्द्रिय सदस्य, उर्जाशिल खबर साप्ताहिकका प्रकाशक सम्पादक समेत रहेका प्रकृतीले आफ्नो जन्म दिनको अवसरमा हुने खर्च कटौती गर्दै राहत कोष प्रयोजनका लागि अध्यक्ष श्रृजन झालाई सो रकम उपलब्ध गराएका हुन् ।

यसैबीच कोभिड पत्रकार राहत कोष प्रयोजनका लागि ‘सरस्वतीनगर बचत तथा ऋण सहकारी संस्था’ले पनि सस्थाको तर्फबाट संस्थाको सामाजिक उत्तरदायित्व कार्यक्रम अन्तर्गत रु १० हजार सहयोग गरेको छ ।

संस्थाका अध्यक्ष रघुनाथ भण्डारीले उक्त सहयोग रकम प्रदेश समितिका अध्यक्ष झालाई हस्तान्तरण गरेका छन् ।

हस्तान्तरण कार्यक्रममा संस्थाका उपाध्यक्ष रामहरी श्रेष्ठ सचिव एवं काभ्रे पोष्ट साप्ताहिकका सम्पादक दिपक चौलागाँइ र प्रदेश कार्य समिति सदस्य प्रवीन श्रेष्ठको उपस्थिती रहेको थियो ।