अखबार नेपाल ट्रेन्डिङ

काठमाडौं: नेपाल प्रहरीका २ हजार १ सयभन्दा बढीमा कोरोना भाइरस संक्रमण देखिएको छ ।

गत जेठको पहिलो साता एक प्रहरीमा देखिएकामा गत साउनपछि भने संक्रमण दर ह्यात्तै बढेको प्रहरी प्रधान कार्यालयले जनाएको छ ।

प्राप्त विवरण अनुसार प्रहरी प्रहरीमा २ हजार १ सय ६१ मा संक्रमित मध्ये ९ सय ५० जना निको भएर कार्य क्षेत्रमा फर्किसकेको प्रहरी प्रवक्ता कुबेर कडायतले जानकारी दिएका छन् ।

काठमाडौं उपत्यकाका तीन जिल्लामा सबैभन्दा बढी ६ सय २४ संक्रमित भएका छन् । त्यसमध्ये ५ सय ५८ जना अझै उपचाररत छन् ।

प्रहरी प्रधान कार्यालयमा मात्रै ३ सय ८९ सङ्क्रमित रहेको जनाइएको छ ।

त्यस मध्ये ३ सय १८ जना उपचारपछि घर फर्किएको र ७१ को उपचार जारी छ ।

प्रहरी प्रधान कार्यालयका अनुसार प्रदेश १ मा ३ सय ४०, प्रदेश २ मा २ सय ५७, वागमती प्रदेशमा १ सय, गण्डकीमा १ सय ४३, प्रदेश ५ मा १ सय ९८, कर्णाली प्रदेशमा ७१ र सुदूरपश्चिम प्रदेशमा ३९ जनामा संक्रमण देखिएको छ ।

सशस्त्र प्रहरी र नेपाली सेनामा समेत पछिल्लो समयमा कोरोना भाइरसको संक्रमण बढिरहेको छ ।