अखबार नेपाल ट्रेन्डिङ

घाँटीको शल्यक्रियाका लागि त्रिवि शिक्षण अस्पतालमा भर्ना भएकी ६ वर्षे बालिकामा कोरोना भाइरस संक्रमण देखिएको छ । कपिलवस्तु घर भएकी बालिकालाई घाँटीमा समस्या भए पछि उपचराका लागि शिक्षण अस्पताल ल्याएको थियो । शिक्षण अस्पतालमा उपचार गराउने क्रममा बालिकामा कोराना भाइरस संक्रमण देखिएपछि त्रि वि शिक्षण अस्पालको न्युरो वार्ड पूर्ण सिल गरिएको छ ।

त्रिवि शिक्षण अस्पातालका अनुसार श्वास नली बन्द भएर श्वासप्रश्वास मै अवरोध हुने एकप्रकारको रोगको शल्यक्रियाका लागि उनलाई तीनदिनअघि अस्पतालमा भर्ना गरिएको थियो । उनको यसअघि पनि विभिन्न समयमा शल्यक्रिया गरिसकेको हुँदा रोगको जटिलता हेरेर भर्ना लिएका थिए । इएनटीको भवनमा कोभिड आइसोलेसन बनाइएको कारण उनलाई न्युरो वार्डमा भर्ना गरिएको थियो ।

तत्काल जुनसुकै बेला शल्यक्रिया गर्नुपर्ने अवस्था आउँने भन्दै तयारीका लागि अस्पतालका चिकित्सकहरुले नै पिसिआर गर्न पठाएका थिए । सो क्रममा पोजेटिभ देखिएपनि विहानैदेखि बालिकालाई कोेभिड आइसोलेसनमा सारेर न्युरो विभागमा भर्ना भएका बिरामी र एक्पोजर भएका सबै चिकित्सक कर्मचारीको परीक्षण तयारी भइरहेको छ । बालिकासँगको कन्ट्रयाक ट्रेसिङ गर्नका लागि इपिडिमियोलोजी तथा रोग नियन्त्रण महाशाखाको टोली अस्पतालमा पुगिसकेको छ ।