अखबार नेपाल ट्रेन्डिङ

काठमाडौं: विश्वव्यापी महामारीको रुप फैलिएको कोरोना भाइरस संक्रमको जोखिमलाई मध्यनजर गर्दै नेपाली सेनाले घोडे जात्र समारोह २०७६ स्थगित गरेको छ । हरेक वर्षको चैत्र कृष्णपक्षको औंसीका दिन घोडे जात्रा पर्व मनाउने गरिन्छ ।

काठमाडौं उपत्यकामा मनाइने ऐतिहासिक पर्वको रुपमा रहेको घोडेजात्राको दिन नेपाली सेनाले समेत विशेष समारोह आयोजना गर्दै आएको थियो । तर, यस वर्ष सरकारले कोरोना भाइरस संक्रमणको जोखिम कम गर्ने भन्दै मंगलबारदेखि देशव्यापी रुपमा निषेधाज्ञा जारी गरेसँगै नेपाली सेनाले घोडे जात्रा स्थगित गर्ने निर्णय गरेको हो ।

सेनाले यसअघि औपचारिकता पूरा गर्ने उद्देश्यले सीमित मात्रै व्यक्तिको उपस्थितिमा घोडेजात्रा समारोह सम्पन्न गर्ने तयारी गरेको थियो । तर, सरकारले देशव्यापी निषेधाज्ञा जारी गरेपछि समारोह नै स्थगित गरिएको सेनाको जनसम्पर्क तथा सूचना निर्देशनालयले जानकारी दिएको छ ।