अखबार नेपाल ट्रेन्डिङ

मिथुन राशीवालाहरुको स्वामी बुध हुन्छ । यी राशीवालाहरु गहुँगोरो वर्णको, चंचल आँखा, सामान्य तथा अग्लो कद भएका हुन्छन् । जातक अस्थिर तर मौलिक विचार भएका हुन्छन् । यदि चिनामा बुध को स्थिती शुभ छ भने यिनीहरु तीब्र बुद्धि भएका, परिवर्तनशील प्रकृतिका, मित्र तथा अरुहरुलाई हरेक प्रकारले सहयोग गर्ने, निती अनुसार आचरण गर्ने खालका र तर्क वितर्क गर्न कुशल हुन्छन् । यी राशीका व्यक्तिहरुलाई टाढा टाढाको यात्रा गर्ने सौभाग्य प्राप्त हुन्छ । यिनीहरुमा बुद्धि तत्व तथा भाव तत्व दुवै प्रबल भएको कारणले पठन पाठन, कानूनी कार्य, व्यापार सम्बन्धि तथा लेखन सम्बन्धि कार्यहरुलाई गम्भीरताका साथ गर्ने गर्छन । यिनीहरु मजबुत हृदयका भए पनि नरम स्वभाव भएको कारण अरुले कमजोर सम्झन्छन । द्विस्वभाव राशी भएको कारणले एकै समयमा एक भन्दा धेरै कार्यहरु शुरु गर्ने प्रवृत्तिका हुन्छन । यिनीहरुले आफनो कार्य क्षेत्र तथा व्यवसायमा प्राय परिवर्तन गरिनै रहन्छन । साथै आफनै परिश्रम बुद्धि र चातुर्यताको बलमा जीवनमा सफलता प्राप्त गर्दछन । यी राशीवालहरु नयाँ नयाँ मित्र बनाउनमा कुशल हुनुको साथै कुराकानी गर्नमा निपुण हुन्छन । आयात निर्यात, खरीद बिक्री, पुस्तक लेखन, लेखापाल, बैैक, वकालत, अध्यापन, इन्जीनियरिंग क्षेत्र, आइ टी, मेशीनरी कलपुर्जा आदि जस्ता कार्य क्षेत्रमा सफलता प्राप्त गर्न सक्षम हुन्छन् । यी राशीवालाहरुको भाग्योदय कारक वर्षहरु २२, ३२, ३५, ३६ र ४२ हुन् ।