चितवनमा थप ५५ जना कोरोना संक्रमित
वि.सं.२०७७ असोज ३० शुक्रवार ०९:१०
चितवन : कोरोना भाईरसको हटस्पटको रुपमा रहेको चितवनमा थप ५५ जनाका कोरोना संक्रमित थपिएको भरतपुर अस्पतालले जनाएको छ ।
२ वर्षका बालकसहित थप ५५ जनामा कोरोना भाइरसको संक्रमण पुष्टि भएको हो ।
भरतपुर अस्पतालको कोभिड –१९ ल्यावमा गरिएको ३०५ जनाको स्वाब परीक्षणमा ५५ जनामा संक्रमण पुष्टि भएको जनाएको छ ।
संक्रमितमध्ये ५१ जना चितवनकै हुन् भने बाँकी ४ जनामा तीन जना पाल्पाका र एक जना रूपन्देहीका रहेका छन् ।
भरतपुर अस्पतालले बिहीबार राति सार्वजनिक गरेको परीक्षण रिपोर्ट अनुसार भरतपुरका २ वर्षीय बालकसहित ९ पुरूष र ८ महिलामा संक्रमण पुष्टि भएको भरतपुर अस्पतालको कोभिड–१९ प्रयोगशाला प्रमुख डा.नीतु अधिकारीले जानकारी दिए ।
यस्तै राप्तीका ११ पुरूष र ९ महिला, खैरहनीका ४ पुरूष र ४ महिला, रत्ननगरका १ पुरूष र कालिकाका २ पुरूष र ३ महिलामा संक्रमण पुष्टि भएका हुन ।
वि.सं.२०७७ असोज ३० शुक्रवार ०९:१०