प्राधिकरणद्वारा अन्तराष्ट्रिय विमानस्थल निर्माणका लागि साढे १७ अर्ब बजेट विनियोजन
वि.सं.२०७७ साउन २५ आइतवार १५:५५
काठमाडौं: नेपाल नागरिक उडड्यन प्राधिकरणले दुई ठूला अन्तराष्ट्रिय विमानस्थल निर्माणका लागि साढे १७ अर्ब बजेट विनियोजन गरेको छ ।
चालु आर्थिक वर्ष २०७७/०७८ को बजेटमा क्यानले उक्त विमानस्थलका लागि १७ अर्ब ४८ करोड ९६ लाख बजेट विनियोजन गरेको हो ।
निर्माणको अन्तिम चरणमा पुगेको गौतमबुद्ध अन्तराष्ट्रिय विमानस्थल निर्माणका लागि विभिन्न शिर्षकमा ६ अर्ब ४५ करोड छुट्याएको छ ।
पोखरा क्षेत्रिय अन्तराष्ट्रिय विमानस्थल निर्माणका लागि ११ अर्ब बजेट छुट्याएको छ ।
विमानस्थल निर्माणका लागि अधिग्रहण गरिएको जग्गाको मुअव्जा वितरणका लागि २ अर्ब १६ करोड ८३ लाख बजेट छुट्याएको छ ।
यसैगरी धावनमार्ग तथा टर्मिनल भवन निर्माणका लागि ३ अर्ब २८ करोड ३ लाख, विमानस्थल सञ्चालनका लागि आवश्यक यन्त्र तथा उपकरण खरिद-जडानका लागि ६० करोड र फायर भेईकल खरीदका लागि ४१ करोड १० लाख बजेट छुट्याएको क्यानले जनाएको छ ।
निर्माणको अन्तिम चरणमा पुगेको विमानस्थल निर्माणमा बन्दाबन्दीका कारण केही सु्स्तता आएतापनि निर्माण कार्यमा रुकावट नभएको जनाईएको छ ।
९१ प्रतिशत निर्माण सम्पन्न भएको उक्त विमानस्थलको भैतिक पूर्वाधार निर्माण कार्य सम्पन्न भई फिनिसिङको कार्य अधिकासं सम्पन्न भएको छ ।
विमानस्थलमा जडान गर्नुपर्ने रनवे लाइट, यान्त्रिक अवतरण प्रणाली, सञ्चार–उडड्यन सहाय उपकरण, ब्यागेज ह्याण्डलिंग सिष्टम, एक्सरे आदि यन्त्र उपकरण अधिकांश आइसकेको र जडान गर्न बाँकी रहेको क्यानले जनाएको छ ।
सम्झौता अबधिभन्दा ६ महिना अघि नै निर्माण सम्पन्न हुने भन्दै निर्माण गरिएको पोखरा क्षेत्रिय अन्तराष्ट्रिय विमानस्थल सम्झौता अबधिमा सकिने क्यानले अनुमान गरेको छ ।
निर्माणको कार्य नरोकिएपनि बन्दाबन्दीका कारण सुस्तता आएको भन्दै ६ महिना अघि सम्पन्न नहुने अुनमान गरिएको छ ।
जग्गा अधिग्रहण र मुअव्जा वितरणका लागि ७८ करोड र विमानस्थल निर्माण भवन तथा धावनमार्ग समेतका लागि १० अर्ब २५ करोड बजेट छुट्टाएको छ ।
६१ प्रतिशत निर्माण सम्पन्न उक्त विमानस्थ निर्माणमा अधिकांश चिनिया प्राविधिक चीनमा रोकिदा बिमानस्थल निर्माणमा सुस्तता आएको जनाइएको छ ।
वि.सं.२०७७ साउन २५ आइतवार १५:५५