अखबार नेपाल ट्रेन्डिङ

एजेन्सीः जर्मनीको हनाऊ शहरमा दुई स्थानमा गोलीबारी हुँदा कम्तीमा ८ जनाको मृत्यु भएको छ । अन्धाधुन्ध गोली प्रहारबाट अन्य ५ जना गम्भीर घाइते भएका छन । स्थानीय समय अनुसार राति १० बजेतिर भएको घटनाको कारण खुल्न नसकेको प्रहरीले जनाएको छ ।

सिटी सेन्टरमा रहेको बारमा पहिलो गोली चलेको केही समयमै हनाउ शहरकै केसेलस्टाड नजिक दोस्रो पटक गोली चलेको थियो । पहिलो गोली काण्डमा तीन जनाको मृत्यु भएको थियो भने दोस्रो पटक गोली चल्दा अन्य पाँच जनाको मृत्यु भएको प्रहरीले जनाएको छ । ठूलो संख्यामा रहेको संदिग्धहरुको समूहले अन्धाधुन्ध गोली प्रहार गरी फरार भएकाले खोजि जारी रहेको प्रहरीले जनाएको छ । उनीहरुको खोजिका लागि हेलिकप्टर मार्फत पनि प्रहरी परिचालन गरिएको छ ।

पुलिस अधिकारी र हेलिकोप्टरको मद्दतले दुई इलाकाको सुरक्षा गरिँदै छ । हमलाकर्ताको उद्देश्य के थियो, त्यो अहिलेसम्म पनि पुष्टि हुन सकेको छैन । हनाऊ जर्मनीको हेसेन राज्यको एउटा शहर हो जुन फ्रेंकफर्टबाट पूर्वमा करिब २५ किलोमिटर टाढा पर्छ ।