अखबार नेपाल ट्रेन्डिङ

एजेन्सीः इजरायलले वेस्टब्यांक क्षेत्रमा इजरायली सेनाले गरेको हवाई आक्रमणबाट कम्तीमा ९ प्यालेस्टाइनीको मृत्यु भएको छ । वेस्ट ब्यांकको जेनिनमा रहेको शरणार्थी शिविरलाई लक्षित गर्दै इजरायली सेनाले हवाई तथा स्थल कारबाही जारी राखेको छ ।

आक्रमणमा एक सयभन्दा बढी घाइते भएको र कयौँको अवस्था गम्भीर रहेको बीबीसीले जनाएको छ । झण्डै १४ हजार प्यालेस्टाइनी सर्वसाधारणले आश्रय लिइरहेको जेनिन शिविरमा आतंकवादीहरु बसेको भन्दै इजरायले निर्णायक कारबाही थालेको हो ।

शिविरमा हवाई आक्रमण भएपछि तीन हजार भन्दा बढी प्यालेस्टाइनी शिविर छोडेर भागेका छन् । शिविर छोडेर जाने सबैजसो सर्वसाधारण रहेको समाचार संस्था अलजजिराले उल्लेख गरेको छ । उसले इजरायली सेनाले शिविरमा हत्याकाण्ड चलाएको दाबी गरेको छ ।