अखबार नेपाल ट्रेन्डिङ

एजेन्सीः पश्चिम बुल्गेरियाको स्ट्रुमा राजमार्गमा गुडिरहेको बसमा आगो लाग्दा कम्तीमा ४५ जनाको मृत्यु भएको रोयटर्सले जनाएको छ ।

बसमा पहिला आगो लागेर पछि दुर्घटनामा परेको हो कि दुर्घटनामा परेपछि आगो लागेको हो भन्ने प्रष्ट भइसकेको छैन ।

मृत्यु हुनेमा केही बच्चाहरू पनि रहेको बताईएको छ ।

मृत्यु हुनेमा धेरैजसो आफ्ना नागरिक रहेको सोफियास्थित नर्थ मेसेडोनियाको राजदूतावासले जनाएको छ । नर्थ मेसेडोनिया बुल्गेरियाको छिमेकी मुलुक हो जुन सन् १९९१ मा स्वतन्त्र भएको थियो ।

उक्त बसमा नर्थ मेसेडोनियाका ५२ जना पर्यटकहरू थिए ।