अखबार नेपाल ट्रेन्डिङ

एजेन्सी: विश्वभर कोरोना भाइरस संक्रमितको संख्या पछिल्लो तथ्यांक अनुसार संक्रमितको संख्या ९१ लाख ८८ हजार ३ सय ६० पुगेको छ । हालसम्म कोरोना भाइरस संक्रमणबाट विश्वभर ४ लाख ७४ हजार ३ सय ३९ जनाले ज्यान गुमाईसकेका छन् ।

अहिलेसम्म विश्वमा ४९ लाख ३७ हजार २ सय ७७ जना उपचारपछि निको भएर घर फर्किएका छन् । कोरोना भाइरसबाट अमेरिका सबैभन्दा धेरै प्रभावित बनेको छ । अमेरिकामा २२ लाख ९१ हजारभन्दा बढी व्यक्ति संक्रमित छन् भने त्यहाँ एक लाख २० हजारभन्दा बढीको मृत्यु भएको छ ।

ब्राजिलमा कोरोनाका १० लाख ८३ हजार बढी संक्रमित छन् भने मृतकको संख्या ५० हजार नाघिसकेको छ । रुसमा ५ लाख ९१ हजार बढी व्यक्ति कोरोनाद्वारा संक्रमित छन् । यहाँ आठ हजारभन्दा बढी कोरोना संक्रमितको मृत्यु भएको छ । संक्रमित व्यक्तिको संख्याको हिसाबले भारत चौथो स्थानमा छ । भारतमा ४ लाख २५ हजार बढी व्यक्ति संक्रमित भइसकेका छन् हालसम्म १३ हजार ६ सयभन्दा बढीको मृत्यु भएको छ ।

बेलायतमा तीन लाख ६ हजार बढी व्यक्ति कोरोना संक्रमित भएका छन् । यो महामारीले बेलायतमा हालसम्म ४२ हजार ७ सय ३२ व्यक्तिको मृत्यु भएको छ । सोमाबार विश्वभर १ लाख ३७ हजार २ सय ८ जना नयाँ संक्रमित थपिएका छन् भने ३ हजार ८ सय ५८ जनाले ज्यान गुमाईसकेका छन् ।