अखबार नेपाल ट्रेन्डिङ

काठमाडौं: आदिवासी जनजाति चलचित्रकर्मीहरूको संस्था ‘आदिवासी जनजाति चलचित्र महासंघ’को पाँचौं महाधिवेशन यहि पुष २ गते काठमाडौंमा हुने भएको छ ।

भृकुटीमण्डपस्थित पर्यटन बोर्डमा हुने महाधिवेशनको तयारी अन्तिम चरणमा पुगेको छ । महाधिवेशनले आगामी तीन वर्षका लागि नयाँ नेतृत्व चयन गर्नेछ ।

महासंघमा हाल १५ वटा जातिय चलचित्रकर्मीहरूको संघहरू आवद्ध छन् । महाधिवेशनमा हरेक संघबाट दुई जना प्रतिनिधि र दुई जना पर्यवेक्षक सहभागी हुने छन् । त्यसैगरी, ७ वटा प्रदेश समितिहरूबाट पनि २-२ जना पर्यवेक्षक सहभागी हुनेछन् ।

महाविधेशनले अध्यक्ष १, उपाध्यक्ष ३, महासचिव १, सचिव २, कोषाध्यक्ष १ र सह-कोषाध्यक्ष १ गरी ९ सदस्यीय पदाधिकारी चयन गर्नेछ । महासंघको संरचना अनुसार महाधिवेशनबाट चयन भएका पदाधिकारीहरू सम्मिलित ‘संघीय परिषद सचिवालय’ रहनेछ ।

त्यसैगरी, महासंघमा आवद्ध १५ वटा संघहरूले सिफारिस गर्ने एक महिला र एक पुरुष गरी जम्मा ३० जना संघीय परिषद सदस्य हुनेछन् ।