अखबार नेपाल ट्रेन्डिङ

काठमाडौं: नेपाली चलचित्र राजकुमार राई अभिनित ‘सोल अफ द कमाण्डो’ को काठमाडौंमा एक कार्यक्रमबीच ट्रेलर सार्वजनिक भएको छ ।

चलचित्र ‘सोल अफ द कमाण्डो’ यसअघि बेलायत र क्यानडामा प्रदर्शन भइसकेको छ । नेपालमा भने पहिलो पटक फिल्म प्रदर्शनमा आउन लागेको हो ।

नेपालका विभिन्न स्थानका साथै विदेशी भूमिमा समेत छायांकन गरिएको चलचित्र एक्शन जनरामा निर्माण गरिएको छ ।

युवराज राई (वीरबहादुर)द्वारा निर्देशित यो चलचित्र रवि थापा, धन लिम्बू र मिलन राईले निर्माण गरेका हुन् । एक गोरखा आर्मीको संघर्षलाई फिल्मको कथावस्तु बनाइएको छ । फिल्मको प्रस्तुतकर्ता विजया राई हुन् ।

चलचित्रमा राजकुमार राई, कमला खापुङ लिम्बू, सेसुका राई, रवि थापा, मिलन राई, शिशिर वाङदेल, रुपेश झा, नरेन खडका, सर्मिला लिम्बू, सीमा राई, नरेन लिम्बू र पूर्ण लिम्बूले अभिनय गरेका छन् ।

नेपाली चलचित्र ‘सोल अफ द कमाण्डो’ नेपालमा भने मंसिर २३ गतेबाट रिलिज हुनेछ ।

ट्रेलर :