अखबार नेपाल ट्रेन्डिङ

काठमाडौं: पर्यटकहरुको भिड लाग्ने ठमेलमा 10x (टेन एक्स) क्लवले आफ्नो पहिलो वार्षिकोत्सव यहि असोज ३० र ३१ गते चर्चित कलाकारहरुको उपस्थितमा धुमधामका साथ मनाउने भएको छ ।

दुई दिनसम्म चल्ने वार्षिकोत्सवमा नेपालका चर्चित गायक अनिल सिंह, एकदेव लिम्बू, कालीप्रसाद बास्कोटा, डीजे ओलारसको उपस्थितिमा सुशील नेपालले होस्ट गर्नेछन् ।

10x (टेन एक्स) क्लवले गत वर्षदेखि स्टेट अफ द आर्ट क्लबिङको अनुभव प्रस्तुत गर्दै आएको छ । सुरुमा चार जनासँग मिलेर लगानी सुरु गरेको क्लवमा अहिले ७५ जना भन्दा बढी कर्मचारीहरुले रोजगारी पाईरहेका छन् ।

10x (टेन एक्स) क्लव नेपालको शीर्ष क्लवहरू मध्येको एकमा पर्दछ । क्लवको वार्षिकोत्सवमा गायक अनिल सिंह र एकदेव लिम्बुसँगै कालीप्रसाद बास्कोटा र डीजे ओलारसले मुख्य आकर्षणको रुपमा प्रस्तुति दिने क्लवले जनाएको छ ।

चर्चित पप गायक अनिल सिंहको “इन्जिन गडीमा”, “प्रेम पत्र”, “आई लभ यू”, “दुब्ना देउ” जस्ता गीतहरु युवा माझ लोकप्रिय छन् । उनी युवापुस्ता माझ लोकप्रिय गायकको रुपमा परिचित छन् ।

कालीप्रसाद बास्कोटाका धेरै लोकप्रिय गीतहरू छन् । उनको चर्चित गीतहरूमा “नीरा”, “जल्मा”, “ठमेल बजार”, “लैजा रे” लगायतका गीत चर्चित छन् ।

एकदेव लिम्बु एक उदीयमान कलाकार हुन् । ‘हिडाइछु मा’ गीतबाट डेब्यु गरेका उनको लोकप्रिय ब्याण्ड B-8 र नयाँ गायिका प्रार्थना गौतमसँगको नयाँ गीत ‘मा गाउँछु’ गीत चर्चित छ । उनी युवापुस्ता माझ लोकप्रिय छन् ।

डीजे ओलारस जो युक्रेनकी स्याक्सोफोनिस्ट हुन् । उनी विश्वका शीर्ष ५० महिला डीजेमा पर्छिन । अहिले पनि उनी विश्वका शीर्ष १०० महिला डीजेहरूमा पर्छिन् । उनले मिक्सिङ क्लब ट्र्याकहरू, स्याक्सोफोन बजाएर लाइभ संगीतलाई प्रगाढ पार्छिन् ।

क्लवले वार्षिकोत्सवको अवसरमा नेपालका चर्चित कलाकारहरू र कलाकारहरूसँग सहकार्य गर्दै ग्राहकहरूलाई २ दिनको लागि २०% छुट दिने भएको छ । वार्षिकोत्सव कार्यक्रममा ब्यान्डका कलाकारहरूसँगै अन्य सेलिब्रेटीहरूको पनि उपस्थित हुने क्लवले जनाएको छ ।