अखबार नेपाल ट्रेन्डिङ

काठमाडौं: प्राइम कमर्सियल बैंकको १५औं वार्षिक साधारणसभा सम्पन्न भएको छ । सभामा बैंकका अध्यक्ष राजेन्द्र दास श्रेष्ठको सभापतित्वमा सम्पन्न भएको हो ।

सभाले आर्थिक बर्ष २०७८/७९ को सञ्चालक समितिको प्रतिवेदन, लेखापरीक्षकको प्रतिवेदन पारित गरेको छ । उक्त सभाले सञ्चालक समितिले सिफारिश गरे बमोजिम बैंकको चुक्ता पूँजीको ४.९५ प्रतिशत दरले नगद लाभांश र चुक्ता पूँजीको ४ प्रतिशतका दरले बोनस शेयर दिने प्रस्ताव पारित गरेको छ ।

बैंकको नियमावली अनुसार उक्त सभाबाट संस्थापक शेयरधनीहरूको तर्फबाट सञ्चालक पद ३ मा राजेन्द्र दास श्रेष्ठ, उदय मोहन श्रेष्ठ र नरेन्द्र बज्राचार्य र सर्वसाधारण शेयरधनीहरूको तर्फबाट सञ्चालक पद २ मा प्रचण्डमान श्रेष्ठ र मनोज पौडेल निर्वाचित भएका छन् ।