अखबार नेपाल ट्रेन्डिङ

काठमाडौं: राष्ट्रिय बीमा संस्थान एकै महिनामा ३ अर्ब २६ करोड रुपैयाँ बीमा शुल्क संकलन गर्न सफल भएको छ ।

राष्ट्रिय बीमा संस्थानले ४ करोड प्रथम बीमा शुल्क र ३ अर्ब २२ करोड रुपैयाँ नविकरण शुल्क सहित उक्त रकम संकलन गरेको हो ।

सरकारी लगानीको राष्ट्रिय बीमा संस्थान साउन महिनामा नविकरण बीमा शुल्क संकलनको आधारमा प्रथम बन्न सफल भएको छ भने कूल बीमा शुल्कको आधारमा दोस्रो स्थानमा रहेको छ ।

सबैभन्दा ठूलो नेपाल लाईफले भन्दा धेरै नविकरण बीमा शुल्क उठाउन सफल भएपछि संस्थानप्रति आम सर्वसाधारण तथा सरकारी कर्मचारीहरुको विश्वास बढ्दै गएको देखिएको छ ।

संस्थानका अनुसार राष्ट्र सेवक निजामति कर्मचारीको बीमा संस्थानमा गरिएको र उनीहरुको बीमा शुल्क एकै पटक साउनमा उठ्ने हुँदा धेरै देखिएको जनाएको छ ।