अखबार नेपाल ट्रेन्डिङ

काठमाडौं: मुलुकभरका वाणिज्य बैंकहरू मध्ये सर्वाधिक अचल सम्पत्ति भएको राष्ट्रिय वाणिज्य बैंकले आफ्नै जग्गामा आधुनिक भवन निर्माण गर्ने भएको छ ।

राष्ट्रिय वाणिज्य बैंकको नाममा रहेको र कर्जा नतिरेका ऋणीबाट धितो सकार्दा बैंकको नाममा आएका गैर बैंकिङ सम्पत्ति व्यवस्थापनका लागि एसेट्स युटिलाइजेशन प्लान अन्तर्गत काम अघि बढाइएको राष्ट्रिय वाणिज्य बैंकका प्रमुख कार्यकारी अधिकृत किरण कुमार श्रेष्ठले बताए ।

बैंकसँग रहेको करीव दुई खर्बको सम्पत्ति व्यवस्थापनका लागि देशका विभिन्न २० वटा ठाउँमा आधुनिक कार्यालय भवन निर्माणको योजना अघि बढाईएको र योजना बनाइएका मध्ये ११ ठाउँमा निर्माणको काम अघि बढिसकेको र  बाँकी ९ ठाउँमा आउँदो वर्ष निर्माण कार्य सुरु हुने बैंकका प्रमुख कार्यकारी अधिकृत श्रेष्ठले बताए ।

हाल थापाथली, दरबारमार्ग, बसन्तपुर, भैरहवा, बुटवल, कोहलपुर, दाङ, महेन्द्रनगर, कञ्चनपुर, लहान, सिरहा गरी ११ ठाउँमा भवन निर्माण कार्य भईरहेको श्रेष्ठले जानकारी दिए ।