अखबार नेपाल ट्रेन्डिङ

मोरङ : मोरङको मिक्लाजुङमा विप्लव समूहले गोली हानी एक शिक्षकको हत्या गरेको छ । मंगलबार बिहान ७ बजे शिक्षक राजेन्द्र श्रेष्ठको गोली हानी हत्या गरेको हो ।

५४ वर्षीय शिक्षकलाई प्रतिबन्धित नेत्रविक्रम चन्द ‘विप्लव’ समूहका कार्यकर्ताले घरबाट उठाएर लगेर जंगलमा गोली हानेका थिए ।

श्रेष्ठको टाउकोमा गोली लागेको जिल्ला प्रहरी कार्यालय मोरङका प्रहरी उपरीक्षक सन्तोष खड्काले जानकारी दिए । विप्लव समूहले शिक्षकको गोली हानी हत्या गरेको जानकारी पाएपछि आफूहरु थप अनुसन्धानका लागि घटनास्थलमा जाँदै गरेको उनले बताए ।शिक्षक श्रेष्ठ स्थानीय सरस्वती आधारभूत स्कुलका प्रधानाध्यापक रहेको प्रहरीले बताएको छ ।