अखबार नेपाल ट्रेन्डिङ

काठमाडौ : नेपाल कम्युनिष्ट पार्टीभित्र देखिएको विवाद समाधानका लागि अहिले पार्टीभित्र विभिन्न खालको गृहकार्यहरु भईरहेको छ । शिर्ष नेतृत्वलाई मनाउन र पार्टी फुट्नबाट जोगाउनको लागि मुख्यमन्त्रीहरुको सकृयता बढ्न थालेको छ ।

पार्टीभित्र आत्रिक कलहले उग्र रुप लिएपछि त्यसलाई मिलाउनको लागि मुख्यमन्त्रीहरु पनि काठमाडौ आउन थालेका छन् । शिर्ष नेतृत्वलाई मनाउन र पार्टी फुट्नबाट जोगाउनको लागि मुख्यमन्त्रीहरु सकृय हुन थालेका छन् । अहिले मुख्यमन्त्रीहरु आफ्नो ठाउँ छाडेर संघीय राजधानी काठमाडौ आउनेको लर्को लागेको छ ।

विशेषतः पार्टीका अध्याक्ष् एवम् प्रधानमन्त्री केपी शर्मा ओली र कार्यकारी अध्यक्ष पुष्पकमल दाहालबीच देखिएको टकरावलाई कम गर्न र पार्टी फुट्नबाट बचाउनको लागि मुख्यमन्त्रीहरुको दौडधुप चलेको हो ।

उनीहरुले राष्ट्रपतिदेखि लिएर प्रधानमन्त्री र कार्यकारी अध्यक्षलाई भेटेर कन्भिन्स गर्ने काम गरिरहेका छन् । यसरी सकृय हुने मुख्यमन्त्रीहरुमा लुम्बिनी प्रदेशका मुख्यमन्त्री शंकर पोखरेल, गण्डकी प्रदेशका मुख्यमन्त्री पृथ्वीसुब्बा गुरुङ, प्रदेश नम्बर १ का मुख्यमन्त्री शेरधन राई लगायत रहेका छन् ।

यो पनि पढ्नुहोस् :https://www.akhabarnepal.com/2020/11/19369/

’